ՀՀ Տարածքային կառավարման և արտակարգ իրավիճակների նախարարություն


Նախարարություն

Մեր պատմությունը

1988 թ. Սպիտակի երկրաշարժը բացահայտեց Հայաստանում քաղաքացիական պաշտպանության համակարգի շատ հիմնահարցեր և դարձավ այդ համակարգի արմատական վերակազմավորման ու ՀՀ կառավարությանն առընթեր արտակարգ իրավիճակների վարչության ստեղծման հիմնական ազդակը:

1991 թ. հուլիսի 17-ին Հայաստանի ԽՍՀ Մինիստրների խորհրդի թիվ 462 որոշմամբ, Սերգեյ Բալասանյանի, Վարդան Ամիրբեկյանի և մյուսների ջանքերով, ստեղծվեց ՀՀ կառավարությանն առընթեր Սեյսմիկ պաշտպանության ազգային ծառայությունը (ՀՀ ՍՊԱԾ): Գերատեսչությունը կազմակերպելու էր բնակչության, շենքերի և կառույցների սեյսմիկ պաշտպանությունը: Շատ կարճ ժամանակամիջոցում ՀՀ ՍՊԱԾ-ը հասավ բարձր արդյունքների՝ ճանաչվելով տարածաշրջանում ոլորտի առաջատար: Հայաստանում սեյսմիկ պաշտպանության համակարգի կազմակերպման փորձն արժանացավ ՄԱԿ-ի ՍԱՍԱԿԱՎԱ-ի «Վտանգի նվազեցման և աղետների կանխման գործում ակնառու ներդրման համար» հատուկ մրցանակին, որը 1998թ. հոկտեմբերի 4-ին Ժնևի Ազգերի պալատում հանձնվել է ՀՀ ՍՊԱԾ-ին:

1991 թ. ստեղծվում է Արտակարգ իրավիճակների վարչությունը, որի պետ է նշանակվում Ստեփան Բադալյանը: Հայաստանում 1961 թվականից գործող ՔՊ շտաբն իր բոլոր կազմավորումներով 1991 թ. վերջին դրվում է Արտակարգ իրավիճակների վարչության ենթակայության տակ: Վարչությունը, ի տարբերություն քաղպաշտպանության գործունեության ոլորտի նեղ շրջանակի, թե' հայեցակարգային, թե' մասնագիտական, թե' իրավական տեսակետներից նոր, լայն մոտեցում էր ցուցաբերում համակարգի ողջ աշխատանքի կազմակերպմանը` ելնելով Հայաստանում հավանական խոշոր աղետների ու վթարների առկայությունից, դրանց դասակարգումից և ռիսկի գնահատումից:

ՀՀ կառավարության 1997 թ. սեպտեմբերի 4-ի թիվ 359 որոշմամբ ստեղծվում է արագ արձագանքման փրկարարական ջոկատը, որի գլխավոր խնդիրներն էին.
- աղետի գոտում փրկարարական աշխատանքների իրականացումը, ինչպես նաև արտակարգ պատահարների դեպքում բնակչությանը հնարավոր սեղմ ժամկետում համապատասխան մասնագիտական օգնության ցուցաբերումը.
- աղետների և վթարների դեպքում վերականգնողական աշխատանքների կատարումը:

1994 թ. Հայաստանը դառնում է Քաղաքացիական պաշտպանության միջազգային կազմակերպության լիիրավ անդամ:

1997 թ. ԱԻ վարչությունը հանվում է ՀՀ կառավարության կառուցվածքից, վերանվանվում ՀՀ կառավարությանն առընթեր արտակարգ իրավիճակների վարչության, որի պետ է նշանակվում գեներալ-մայոր Վյաչեսլավ Հարությունյանը:

2001 թ. փետրվարին ՀՀ կառավարությանն առընթեր ԱԻՎ պետ է նշանակվում գեներալ-մայոր Հմայակ Հարոյանը։

2004 թ. մարտին ԱԻՎ պետ է նշանակվում գեներալ-մայոր Էդիկ Բարսեղյանը։

2005 թ. դեկտեմբերին Արտակարգ իրավիճակների վարչությունը վերանվանվում է ՀՀ տարածքային կառավարման նախարարության Հայաստանի փրկարար ծառայության:

2008 թ. ՀՀ նախագահի որոշմամբ ստեղծվում է ՀՀ արտակարգ իրավիճակների նախարարությունը և նախարար է նշանակվում Մհեր Շահգելդյանը:

Նորաստեղծ նախարարության կազմում ընդգրկվում են Հայաստանի փրկարար ծառայությունը, Սեյսմիկ պաշտպանության ազգային ծառայությունը, Հայպետհիդրոմետը, Պետական ռեզերվների գործակալությունը և Տեխնիկական անվտանգության ազգային կենտրոնը:

2010 թ. մարտին ՀՀ ԱԻ նախարար է նշանակվում Արմեն Երիցյանը:

***
ՀՀ տարածքային կառավարման գծով առաջին նախարարը նշանակվել է 1995 թվականին՝ ՀՀ Նախագահի հուլիսի 25-ի հրամանագրով։ Անցած տարիների ընթացքում համակարգը ղեկավարող նախարարների պաշտոնի անվանումը հաճախակի փոխվել է՝ պայմանավորված նրանց լիազորություններով։

Այսպես՝

- ՀՀ Նախագահի 1995 թ. հուլիսի 25-ի հրամանագիր՝ ՀՀ տարածքային կառավարման գծով նախարար
- ՀՀ Նախագահի 1996 թ. նոյեմբերի 8-ի հրամանագիր՝ ՀՀ տարածքային կառավարման նախարար
- ՀՀ Նախագահի 1998 թ. նոյեմբերի 17-ի հրամանագիր՝ ՀՀ տարածքային կառավարման և օպերատիվ հարցերի նախարար
- ՀՀ Նախագահի 1999 թ. հունիսի 6-ի հրամանագիր՝ ՀՀ տարածքային կառավարման նախարար
- ՀՀ Նախագահի 2000 թ. փետրվարի 28-ի հրամանագիր՝ ՀՀ տարածքային կառավարման և քաղաքաշինության գործունեությունը համակարգող նախարար
- ՀՀ Նախագահի 2001 թ. հունվարի 15-ի հրամանագիր՝ ՀՀ տարածքային կառավարման նախարար
- ՀՀ Նախագահի 2002 թ. հունվարի 31-ի հրամանագիր՝ ՀՀ տարածքային կառավարման և ենթակառուցվածքների գործունեությունը համակարգող նախարար

ՀՀ տարածքային կառավարման նախարարությունը ստեղծվել է 2005 թվականին` ՀՀ Նախագահի ապրիլի 27-ի ՆՀ-74 Ն հրամանագրով:

ՀՀ Նախագահի 2007 թ. հունիսի 8-ին հրամանագրով ՀՀ տարածքային կառավարման նախարարի վրա դրվել է ՀՀ փոխվարչապետի պարտականությունները։

Տարածքային կառավարման համակարգը տարբեր տարիների ղեկավարել են`

Ռուբիկ Բարսեղյան` 26.06.1995թ. - 8.11.1996թ.
Գալուստ Գամազյան` 8.11.1996թ. - 6.02.1998թ.
Գագիկ Մարտիրոսյան (պաշտոնակատար)` 17.02.1998թ. - 20.04.1998թ.
Դավիթ Զադոյան` 20.04.1998թ. - 15.06.1999թ.
Խոսրով Հարությունյան` 15.06.1999թ. - 28.02.2000թ.
Լեոնիդ Հակոբյան` 28.02.2000թ. - 18.12.2000 թ.
Հովիկ Աբրահամյան` 18.12.2000թ. - 21.04.2008թ.
Արմեն Գևորգյան` 21.04.2008թ. - 17.10.2014թ.

2014 թ. դեկտեմբերին ՀՀ կառավարության որոշմամբ ՀՀ տարածքային կառավարման և արտակարգ իրավիճակների նախարարությունները միավորվում են, և ՀՀ Նախագահի 2014 թ. դեկտեմբերի 1-ի հրամանագրով ՀՀ տարածքային կառավարման և արտակարգ իրավիճակների նախարար է նշանակվում Արմեն Երիցյանը:


Թեժ գիծ

Կարող եք զանգահարել

51-13-62

Բաժանորդագրում նորություններին